Elīna Zelča
Elīna Zelča muokslenīce, grafikas dizainere, handpoke ceremonialuos tetoviešonas meistare, simbolu radeitoja i vuorduotuoja.
Elīnas stuosts itumā pasaulie suokuos na tik tuolejā 1994. goda 17. martā. Juos dzymtuo vīta ir Baļtinova, kur sparti pyrmī sūli, pīzaturūt pī vacuokuo bruoļa rūkas. Bierneiba pavadieta saimie četruos paaudzies, kuo ari ai bruolānu i muosenīcu kompanejā zam klajū dabasu, pīzadolūt vusūs svareiguokejūs sezonas dorbūs i nadorbūs.
Baļtinovas vydškolas laikā Elīnai, lykuos, ka,
vuss ir pa spākam, i, juoatzeist, saguoja teiri labi. Atslāgas vuordi: teicamas
sekmes, dzīduošona kūrie, ansamblie i solo, sports, tautas dejas, školas avīze,
līdereibas iniciativa školas vidie. Baļtinvas muzikas školā Elīna apgiva klavīrspieli,
bet Bolvu sporta školā volejbolu.
2013. godie, Baļtinovas vydškolas direktors I.Slišāns pasnādz Elīnai Zelčai Valsts Prezidenta A.Bērziņa uzslovu par sasnīgumīm muocībuos i eksamenūs
Nuokamuo dzeivesvīta:
Reiga. 2015. godā īgiuts diploms par pirmuo leimeņa augstuokū profesionalū
izglīteibu LKA LKK(Latvijas Kulturas akademijas Latvijas Kulturas koledžā).Tī
Elīna izauga lyla i kļiva par Kulturas menedžeri ai specializaceju Reklamā i
Sabīdriskajuos attīceibuos. Paraleli
studejuom, īzapazyna ai sovu lylū mīlesteibu Jelgovā, sovukuort lyluo mīlesteiba
īmuoceja kustības mīlesteibu. Elīna intensīvi nūzadorbova ai CrossFit, draugu
komandā izveidojūt CrossFit sporta zāli Jelgovā. Interese par kusteibu i cylvāka
kermeni pamudynuoja uzsuokt studejas RSU
Veseleibas sporta specialistu programmā (2016.gods). I paralēli vusuom paraleliem
jei pašmuoceibas celie apgiva grafikas dizainu i simbolu radeišonas muokslu,
izveidojūt zeimūlu archived alchemy.
Elīnai, vīnmār esūt kuorteigai, perfektai, tūmār daguoja salauzt prīkšstotu par sevi i pīņemt lāmumu puortraukt studejas. Nuokamuo pītura: Hamburga. Juopīmin, ka Vuoceja juos aciem beja nikod zeme, i vuocu volūda skanieja našmuki. Laikapūsms itumā valstie nu 2018. leidz 2021. godam aktivizeja muoklslinīces jou esūšū simbolu volūdas rūkrokstu, i Elīna apgiva handpoke tetoviešonu – dažuoduos kulturuos tradicionali senu tetoviešonas veidu. Tetoviešonas pīredze īgiuta mentoru kluotbyutnie divejuos tetoviešonas studijuos: Kokosmaedchen un Adeqvat.
2021. godā Elīna atsagrīž Latvejā, lai turpynuotūs tī, kur ir juos suokums.
Handpoke tetoviešanas tehnika (2020)
2022. godā topuse handpoke tetoviešonas studeja Upītes školā, kur eipoša procesa laikā var īgiut personalizietu simbolu konstelāceju, kas puorviersta ar rūku taisietā tetovejumā iz uodas.
Juosoka, ka zynamas gryuteibas saguodoj Elīnas ituo breiža nūzadorbuošonuos esences definiešona, jū tū caurvej dažuodas prasmes, zynuošonas i ituo kūpuma realizaceja caur juos unikalū skatejumu. Visstraujuok pukst juos sirds, kod pretīmā ir cylvāki, kas ļaunuos juos radūšajai spielei i apcerei par dzeivi.
Te bildies apskotami daži nu Elīnas Zelčas 2021. godie radietejīm muokslas dorbīm
“Nē, es
neesmu izkaisīta. Esmu multidimensionāla. Man patīk apzināt dažādas pasaules,
mācīties un jau no pirmās dienas integrēt to visu darīšanā. Esmu kaut kas pa
vidu māksliniecei un raganai, jo abus vārdus esmu dzirdējusi, mērķējam uz mani. Esmu stumbrs, kas savieno saknes ar galotni -
tradīcijas ar inovāciju. Tas, kas saliek kopā visas manas radošās plaknes vienā
objektā, ir mana būtība. Un caur to es spēju vislabāk saprast, kas man un
citiem ir vitāli nepieciešams. Varētu pat teikt, ka man nav profesijas, man ir
dzīve,” smaidūt stuosta Elīna.
Roksts īvītuots 2023. goda janvarie